Hvað segir orðnotkunin ,,Krakkar að mótmæla"?

Hún segir allt sem segja þarf um umfjöllun mbl af þessum mótmælum, þ.e. að þetta sé hálfgerður fíflagangur. Það er bara svo og svo lengi hægt að mótmæla á þann hátt sem gert hefur verið þegar það skilar engu.
mbl.is Vilja ríkisstjórnina burt
Tilkynna um óviðeigandi tengingu við frétt

Er dagvöruverslunin í Kringlunni?

Nei mér er spurn. Ég fagna því hins vegar að bölvað áfengið hækki og megi það hækka sem mest. Ekki rennur gróðinn þar í vasa Jóns Ásgreirs og ekki drekk ég áfengið. Hver sem getur leyft sér að neyta áfengis nú um hátíðarnar getur bara borgað fyrir það dýrum dómum. Og ég hef aldrei séð neina dagvöruverslun, held þetta sé bara svona fimbulhugtak til að tala um neytendamál í skýjunum svo enginn skilji.


mbl.is Dagvara hefur hækkað um 30,6%
Tilkynna um óviðeigandi tengingu við frétt

Estrógen-keimur af raddhljómi Vilhjálms.

Tja heyrst hefur að hormónalyf fyrir kvenfólk á breytingarskeiði væru uppurinn vegna kreppunnar. Var verið að hamstra Vilhjálmur?
mbl.is Ávísun á risagjaldþrot ef lán fæst ekki frá IMF
Tilkynna um óviðeigandi tengingu við frétt

Hvar er þverslaufan Birgir?

Á ýmsu átti ég von úr þessari átt en ekki bindi. Nú hef ég misst alla trú á drengnum mínum. Ætlum við þá ekki að þjóðnýta sumarhallir auðmannanna sem nú hafa kvatt klakann? Hvað eigum við þá að gera við þær? Þær rúma jú heilu ættarmótin. Ég var þegar farin að hugsa til næsta sumars. Þetta verður þá gamla hundsbitið enn og aftur.
mbl.is Vill ekki frysta eignir auðmanna
Tilkynna um óviðeigandi tengingu við frétt

Pólskuleg árás

Hvað ætli þýði að æsa sig. Þótt fólk sé hætt að bera nokkra virðingu fyrir hvers kyns yfirvöldum í landinu verður að horfast í augu við það að menn geta bókað að ganga lausir daginn eftir svona hamagang. Kannski einn sitji í gæsluvarðhaldi þar til málsatvik eru kunn og þá fer málið í salt. Svo fá þeir óheppnu svo og svo marga daga á skilorði, aðrir sleppa því þeir voru ölvaðir og gátu ekki fyllilega gert grein fyrir sínum þætti í barsmíðunum. Ég er samt alveg hissa að þetta gerist í Árbænum því þar hefur alla jafna búið vandað fólk.
mbl.is Fólskuleg árás á lögreglu
Tilkynna um óviðeigandi tengingu við frétt

Þetta hófst allt þegar Ólafur F. fór frá

Ég fæ ekki betur séð að óöldin í stjórnmálum, fjölmiðlafár og almennur æsingur hafi fyrst farið af stað þegar Ólafur F. fór frá og hefðu menn betur íhugað það leiðindamál betur. Ég er ekki að segja að alþjóðakreppa á bankamarkaði hafi tekið mið af því, síður en svo, en gæti ekki verið að meðan ráðamenn og fjölmiðlar beindu sjónum sínum að Ólafi hafi allt farið til andskotans. Gaman væri að heyra í honum í fjölmiðlum nú, og jafnvel sjálfum ráðherra fjármála í landinu.
mbl.is Norðmenn fylgjast grannt með
Tilkynna um óviðeigandi tengingu við frétt

Þessi trölli má taka mig hvenær sem er

Ég man að trölli (eða grinchinn) var í uppáhaldi hjá mér áður fyrr og ég óttaðist hann en það rjátlaðist nú af mér. Jim Carrey var fínn grinch og myndin sæmileg en ég býð ekki í hvernig Stefán mun fara með mig, hann er karlmannlegasti grinchinn sem ég sé fyrir mér. Verst að ég kemst varla til að sjá þessa sýningu og verð því bara að ímynda mér.


mbl.is Stefán Karl leikur Trölla
Tilkynna um óviðeigandi tengingu við frétt

xxxxx xxxxxx Eiríkur Jónsson!

Skelfing er ég orðin þreytt á ámátlegu fési Eiríks í tengslum við kjara-og fjármálaumræðu. Varð bara að koma þessu frá. Hver er hann til að mæla fyrir munn kennara um að þeir skuli nú sem best hafa sig hæga?
mbl.is Bankarnir verða að selja eignir erlendis
Tenging við þessa frétt hefur verið rofin vegna kvartana.

Eruði að grínast?

Minnkurinn metur að grunnlaun lækna eigi að hækka um minnst 100 þús á mánuði því annars fer þetta góða fólk að flýja land og í staðinn verður læknisþjónustunni sinnt af B-klassa apaköttum sem fengu læknaskírteinið í cheerios pakka. Tala sem manneskja með reynslu af heilbrigðiskerfinu.

 

 


mbl.is Fylgja kröfum eftir með aðgerðum ef þarf
Tilkynna um óviðeigandi tengingu við frétt

Einmitt, það er svoo líklegt

Það er ljóst að FH-ingar eiga sama og enga möguleika á þessum titli, fyrirsögnin ætti að vera "Hræddur um að við dömpum titlinum" og það er varasamt að æsa svona upp vonir ungra FH-inga. Liðið verður hálfgert B-lið á laugardag með tvo í banni en Keflavík á auðveldan leik fyrir höndum. En við spyrjum að leikslokum.
mbl.is Atli Viðar: Get alveg séð fyrir mér að við hömpum titlinum
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband