Færsluflokkur: Viðskipti og fjármál

Þetta hófst allt þegar Ólafur F. fór frá

Ég fæ ekki betur séð að óöldin í stjórnmálum, fjölmiðlafár og almennur æsingur hafi fyrst farið af stað þegar Ólafur F. fór frá og hefðu menn betur íhugað það leiðindamál betur. Ég er ekki að segja að alþjóðakreppa á bankamarkaði hafi tekið mið af því, síður en svo, en gæti ekki verið að meðan ráðamenn og fjölmiðlar beindu sjónum sínum að Ólafi hafi allt farið til andskotans. Gaman væri að heyra í honum í fjölmiðlum nú, og jafnvel sjálfum ráðherra fjármála í landinu.
mbl.is Norðmenn fylgjast grannt með
Tilkynna um óviðeigandi tengingu við frétt

Ætti kannski að halda sig við frönskurnar

Þessi ummæli eru á leiðinlega lágu plani, bjóst við að forsetaslagurinn yrði ekki á "þú ert bara heimskur"-nótunum. Einnig kemur á óvart að repúblikanar hafi eitthvað út á heimsku að setja, hún hefur verið merki helsta málsvara þeirra.


mbl.is McCain segir stefnu Obama heimskulega
Tilkynna um óviðeigandi tengingu við frétt

Loksins gleðileg tíðindi

Það lýsir alltaf upp daginn þegar maður sér svona jákvæðar og gleðilegar fréttir. Ég bíð alltaf tíðinda af síldveiðum þar sem ég geri mikilar vonir til þeirra síðan síldin kom aftur 2004. Faðir minn var á síldinni og gengdin hafði mikil áhrif á andrúmsloftið heima. En jólasíldin veiðir sig ekki sjálf og nú þurfa menn að láta hendur standa fram úr ermum. Það eru engin jól án jólasíldar. Gleymum ekki gjaldeyrinum sem síldin skapar.
mbl.is Síldveiði gengur ágætlega
Tilkynna um óviðeigandi tengingu við frétt

Enda makalaust hve símarnir voru ódýrir

Þetta óttaðist ég lengi. Mig grunaði sitthvað þegar ég sá hve ódýrt þeir seldu símana, sömu síma og fengust í öðrum verslunum, bara mörg þúsund krónum ódýrari. Þetta hlaut að vera svikamylla, pýramídafyrirtæki eða peningaþvottastöð. Ekki gátu þeir reiknað svona rangt þegar allir aðrir reiknuðu rétt. Það var líka einhver unggæðisbragur yfir starfsfólki og óvandað til umbúnaðar. Verst að ég á hundruð ósóttra mynda og hver á nú að færa mér þær?
mbl.is HP Farsímalagerinn gjaldþrota
Tilkynna um óviðeigandi tengingu við frétt

Ljóst frá upphafi

Ég óska þess heitt að þessi yfirtaka verði ekki heimiluð. Þetta er fínlegri háttur til að losa óþarfa starfskrafta en Glitnir hafði á; auk þess mega viðskiptavinir eiga von á því að greiða hærri þjónustugjöld vegna þess sem koma skal en það er væntanlega ný auglýsingaherferð, nýtt útlit, uppgjör á ýmsum afgreiðslustöðum, jafnvel nýtt nafn og allt sem þessu tilheyrir og hefur sveiflast til og frá undanfarin ár. Þó upphaflega munu fyrirtækin starfa saman en þó í sitthvoru lagi (!) þá mun þetta rennan saman að endingu og forsmekkurinn að því eru þessar uppsagnir. Það er skömm að þessu, Sparisjóðirnir er tákn fyrir annað og meira í bankaþjónustu en þekkist hjá öðrum bönkum og ótrúlegt að ráðamenn og almenningur láti þetta yfir sig ganga. Ég get sem best trúað því að margir missi allt sitt á næstu misserum.


mbl.is Allt að 200 missa vinnu við samruna SPRON og Kaupþings
Tilkynna um óviðeigandi tengingu við frétt

Víst selur það meira

Ég held að þessi sænska rannsókn sé takmörkuð við einhverjar afar afmarkaðar aðstæður eða brenglað mat þeirra sem flokka fallega og ljóta. Ég til dæmis fer alltaf á þann kassann þar sem sá fallegasti/a hverju sinni situr, nánast óháð röðinni. Ég segi óaðlaðandi starfsfólki að ég þurfi enga aðstoð, ég sé bara að skoða eða fer út ef það leitar á mig. Hins vegar þarf fallegt starfsfólk lítið annað en að brosa örlítið og þá er ég vís til að kaupa vörur eða þjónustu sem ég hefði aldrei íhugað eða ætlað mér. Þetta er bara svona og þarf engar rannsóknir til að segja mér annað!
mbl.is Fallegt afgreiðslufólk selur ekki meira
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband