N1 á hringinn og leggur hann niður

Tilgangslausustu vegaframkvæmdir Íslandssögunnar má nú líta í Hrútafirði og þetta eru afleiðingarnar. Tveimur merkum áningarstöðum ferðamanna gegnum tíðina er lokað og í staðinn kemur ein steingeld N1-sjoppa, eftirmynd þeirra í Reykjavík og á engan hátt með nokkrun karakter eins og þær gömlu góðu. Það er vonandi að Hermann Guðmundsson geti hlegið með Borðeyringunum 20 að þessu gríni sem Vegagerðin lætur hafa sig út í; ég sem skattgreiðandi geri það ekki.

Búið að loka Brúarskála

Athugasemdir

[hermann (IP-tala skráð) 12.8.2008 kl. 19:20]

það sem mér finst allra verst að loka brú áður en hinn skálinn er opnaður þannig að þeir sem eru að koma og fara af vestfjörðum (og fara strandirnar) þurfa að fara í staðaskála... semsagt yfir fjörðin til að fá sér að borða.

[Gestur (IP-tala skráð) 13.8.2008 kl. 09:42]

Ég verð nú að segja að ég sé ekki alveg tilgangsleysið í þessum framkvæmdum. Bæði er verið að taka af vonda beygju við brúnna á Hrútafjarðará og maður losnar við eina af síðustu einbreiðu brúnum á leiðinni frá Akureyri til Reykjavíkur. Auk þess styttir þetta leiðina fyrir Vestfirðinga til Norðurlands um 8 km og margt smátt geri eitt stórt í þeim málum. Hins vegar er ég sammála þér með vegarskálana, hvað sem hver segir þá mun ég sakna Staðarskála, sá staður hafði að mínu mati skemmtilegan karakter og mér fannst alltaf gott að stoppa þar.