Afar dapurlegt en þó enn von?

Það er ekki útilokað að leitað verði til Guðjóns áfram um faglegar ákvarðanir hjá liðinu; tvíburarnir eru góðvinir Guðjóns og þetta fyrirkomulag gefur færi á samstarfi við Guðjón, svo lengi sem hann tekur ekki við stjórn annars liðs í deildinni. Mig grunar samt að Guðjón leiti heldur til einhvers stórliðanna á Englandi eða á Ítalíu. Helst hefði ég viljað sjá hann halda áfram með Skagamenn og held í voninna um að þetta fari allt vel að lokum, hann snúi aftur til starfa þar og þessi ósköp hafi bara verið ákveðin í hita leiksins eða í stundarbrjálæði. Ég vona það og bið þess. Það er eitthvað við þessa tvíbura, ég treysti þeim einhvern veginn ekki.

Guðjón hættur með ÍA

Athugasemdir

[Friðrik Þór Guðmundsson, 21.7.2008 kl. 11:26]

"...að leitað verði til Guðjóns áfram um faglegar ákvarðanir"? Þú hlýtur að vera að grínast. Því fjær sem Gaui er fótbolta þeim mun betra.

[Le Betiz, 21.7.2008 kl. 11:32]

Jú, eðlilegast væri að hann fengi að vera með í ráðum því víst þurfa tvíburarnir að byggja á þeim grunni sem hann hefur reist og í raun halda hans starfi áfram. Þeir eru nú einu sinni af hans skóla og fara varla að taka u-beygju í málum liðsins. Það er skítt að skipta um hest í miðri á en verra að snúa við og byrja upp á nýtt.

[Sæþór Helgi Jensson, 21.7.2008 kl. 11:39]

nei hann mun ekket hjalpa þessu ía liði. vona að hann taki við einhverju liði í landsbanka deildinni hk vantar góðann mann með hinum sem ég man ekki hvað heitir og vona þá að hk vinni ía og jarði þá í 1 deild.

[Egill Óskarsson, 21.7.2008 kl. 14:35]

Ég held að þú gætir ekki fundið ólíkari menn hvað varðar áherslur í fótbolta og bara sem karaktera en tvíburana og Guðjón. Efast um að þeir haldi áfram með varnarboltann sem hann lagði upp með.