Fundu mannaskít og falla í trans

Eða eins og maðurinn sagði " hverjum er ekki drullusama"?

Merkar menjar um mannavist

Þórey Edda hefði toppað þetta

Nú er hún Þórey fjölhæf kona. Brilleraði á stönginni á sínum tíma þrátt fyrir að vera 60cm of há. Látum Þóreyju hlaupa eins og vindurinn og við förum beint á toppinn í Kína. Þessar frjálsíþróttastelpur eru að standa sig frábærlega vel samanborið við þessa fótboltamenn þarna í firðinum sem eiga peningana til að múta dómurunum. Hvernig væri að skipta út Tryggva og Ásgeiri fyrir Þóreyju og Silju. Þá fyrst sjáum við skemmtilegan fótbolta!

„Aldrei verið í jafn litlu stuði“

Refirnir líklegastir - sniðgöngum garðinn

Ef fallturninn væri að standa sig sem helsta aðdráttarafl þessa garðs þá væri ekki að sökum að spyrja, refir eru og verða refir, en í ljósi þess að ekkert hefur verið að gera í þessum garði í sumar þá fellur grunur minn helst á starfsmennina. Engir Stuðmenn í sumar, enginn fjölskyldudagur, hvað á að gera til að fá umfjöllun? -Jú, búum til hetju úr starfsmanni.

Stefndu börnunum viljandi í voða

Blíðan föl í London?

Það er aldeilis að illa er komið fyrir honum Garðari "okkar", að þurfa að bjóða blíðu sína á torgum út um heiminn. Það gera öll fíkniefnin sem hann neytir og fylgja þessu óreglu-líferni í bransanum. Maður bara bíður eftir því að Manni bróðir hans geri slíkt hið sama í Kringlunni.

Garðar Thor í blíðunni á Trafalgar-torgi

Gauji litli?

Veit ekki betur en Guðjón "litli" hafi verið á ferð á Skagaströnd í síðustu viku á hækjunni sinni að kynna eitthvert hálstau í Samkaupum. Flugfreyjuklútar kölluðu strákarnir þetta. En eitthvað var hann að skakklappast þetta og ekki nema von að fólki bregði í brún við slíkan aðkomumann, lögregla telur sig fyrir víst hafa séð hækjuspor í mjúkum jarðvegi kringum Bjarnarfell.

Björninn væntanlega rolla

Hvað segir sagan okkur?

Ég held að Stefán ætti að fara að hugsa framgang sinn verulega og þjálfari ætti löngu að vera búinn að taka fyrir þessa háttsemi og maðurinn að taka á sínum málum. Ætti Stefán að vera að spila fótbolta yfir höfuð? Hvernig standa málin hjá Skagamönnum núna? Best væri að þeir féllu með Grindvíkingum og Stefán hætti alveg afskiptum af knattspyrnu, þangað til mega allir leikmenn slá hann í andlitið.

„Hann sló mig í andlitið“

Löngu tímabært

Það er svo langt síðan kunningi minn benti mér á hvað efni Skoppu og Skrítlu væri tilvalið til að kvikmynda og ég skal hundur heita ef þetta á ekki eftir að fara sömu leið og Latibær. Ég myndi allavega setja mína peninga í slíkt verkefni. Verst er hvað farið er að slá í leikkonurnar, þær eru ekkert að yngjast og því spurning um að leyfa þá karakterunum að "þroskast" með þeim. Ég er ekki viss um að nokkurn tíma hafi perónur af þessu tagi fengið að eldast með aðdáendum sínum og hver veit nema Skoppa og Skrítla fái að skemmta fullorðnum innan tíðar. "Hvort líst þér betur á Skoppu eða Skrítlu" spurði faðir minn mig um daginn. "Engin spurning, Skoppu!"

Skoppa og Skrítla á hvíta tjaldið

Forsætisráðherra vonsvikinn og saltvondur

Ég held að langt sé síðan önnur eins ræða hefur heyrst á þessum degi eða við viðlíka tilefni. Forsætisráðherra fór mikinn er hann skaut á pólitíska andstæðinga sína, minnihlutahópa í samfélaginu og útlendinga. Verst að hann fór ekkert út í stöðuna í Landsbankadeildinni. En ég sá að Framsóknarmenn glottu á Austurvelli þegar G.Hilmar gaf fokkmerkið.

Forsætisráðherra bjartsýnn

Væri heiðarlegra að fara bara að grenja

heldur en að vera að væla þetta ljóst og leynt. Fjögur ár myndi amma mín kalla langrækni. Mætti halda að þetta væru KR-ingar.

Norræn svikamylla gegn Ítölum?

Hverjum er ekki sama?

Af hverju er ekki bara fjallað um þá 300 þúsund Íslendinga sem fagna þjóðhátíðardegi víða um land og lönd. Hélt að ísbjörninn hefði slegið gúrkuna af.

Þjóðhátíðardegi fagnað á toppi Evrópu