Varð samkynhneigðin að brottfararspjaldi?

Það er ljótt ef rétt reynist að menn eigi á hættu að kynhneigð geti haft áhrif á íþróttaferil, ætti í raun ekki að þekkjast á 21. öldinni. Það eru þó nokkur dæmi um að menn geti ekki starfað með sínu félagi eða þjálfara eftir að hafa gengist við kynhneigð sinni og alltaf leiðinlegt að heyra. Hasselbaink þótti mér þó aldrei sérstakur svo ég sakna hans ekkert úr boltanum.

Hasselbaink leggur skóna á hilluna

Aston Villa alltaf sterkt gegn totturunum

Mínir menn hafa ósjaldan sótt stig á White Heart og skil ég ekki að það verið annað uppi á teningnum í kvöld. Tottararnir hafa verið lélegir það sem af er en Villa-menn að sama skapi í toppformi og til alls líklegir. Þetta hefur e.t.v. eitthvað að gera með óheppilega sölu. Eða ljóta búninga.

Villa lagði Tottenham 2:1

Laufeyju veitir ekki af þrumara

Mér sýnist svona á svipnum í þessu viðtali að sumir hefðu gott af góðum þrumara í hádeginu nokkra daga í viku. Það þótti líka mega lesa í litarhátt okkar barnanna ef við höfðum ekki fengið mikið brauð. Af þeim kerlingabókum að dæma mætti með sanni segja að ungi maðurinn sem sést fara höndum um kjötið í viðtalinu hefði fengið helst til mikið af rúgbrauðinu góða.

Reykvíkingar sólgnir í þrumara

Góða fyrirsögnin - hvað er sykur?

Jú sykur er fíkniefni sem auðvelt er að ánetjast eins og ég veit best sjálf. Hins vegar eru ekki nýmæli að seld séu fíknefni, þetta þekkja Íslendingar mætavel. Í Draumnum á Rauðarárstíg hefur mátt fá nánast hvað sem er undir borðið um árabil og það undir vökulu auga lögreglu. Ég hef heyrt að utan þess að kökudropar séu í hillum í meira magni en ávaxtasafi þá megi fá þar þýfi á góðum dögum.

Fíkniefni seld í sælgætisverslun

Stutt í alvöru fellibyl

Ég er búin að biðja góðan Guð að forða því að hér geisi fellibylir eins og þeir gera í Ameríku. Ég er búin að kaupa svona gashitara í garðinn og nokkuð af litlum álfum og má ekki til þess hugsa að þetta fari á ferð og flug og jafnvel skemmist. Svo gæti þetta farið í rúður. Ég tek þó veðurfregnum með nokkrum fyrirvara og ætla ekki að láta glepjast aftur eins og í fyrravetur þegar ég var búin að binda gasgrillið, borð og stóla eins og kjáni þegar ekkert varð úr óveðrinu.

Varað við vatnsveðri annað kvöld

Best að laða ekki hvers kyns nýja íbúa að

Ljóst er að hér er grafalvarlegt mál á ferðinni, af hverju geta menn ekki leyst málin í bróðerni og án svona mikillar geðveiki?

Illvíg deila nágranna í Kjós

Skrýtið, venjulega gengur tvöfaldur út

Eða hitt þó heldur. Tvöfaldur pottur hefur aðeins einu sinni gengið út síðustu 12 ár og því telst þetta heldur litlaus frétt. Hitt væri frétt að segja frá því af hverju tvöfaldur pottur gengur ekki út. Vitaskuld er Íslenskri getspá hagur í því að potturinn verði girnilegri fyrst einfaldur gekk ekki út. Þess vegna ganga aðeins þrefaldir eða fimmfaldir út (fjórfaldir á sama plani og tvöfaldir greinilega). Ég er þó ekki að segja að einhver stýring sé á þessu. Aðeins skemmtileg staðreynd að norðan.

Fyrsti vinningur gekk ekki út

Ætti kannski að snúa sér að öðru

Það er leiðinlegt að sjá hvernig lánadrottnar fara með mann sem hefur sýnt alþjóð fram á ótrúlegan árangur og hverju menn fá áorkað ef þeir ætla sér það. En kannski er nú kominn tími til að leggja árar í bát. Að hugsa sér hvað slíkur eldhugi gæti gert á vettvangi stjórnmála. Eða sem ráðunautur. Auk þess hafa fjárbændur það ekki sem best nú í haust og varla hægt að reka bú nema með tapi.

Lamaður bóndi sviptur sérbúnum vélum

Ekta Svíar

Hver fær múskateitrun? Jú, það eru Svíar. Nú get ég ekki annað en hlegið. Svíar eru með eindæmum ólánlegir og eiga til að gera svona hluti. Ef múskat er ekki farið með af gát, þá fer illa. Maður vandar sig með múskat og lyktin gefur manni vísbendingar, alveg eins og af kökudropunum góðu. Þetta getur maður haft á Hundsvíann þegar hann setur sig næst á háan hest: Jæja góði, hvernig er þetta með ykkur Svíana og múskatið?

Varð bumbult af múskati

Eina leið Fram til sigurs - eina liðið sem "gat" unnið

Svona mót er náttúrulega bara grín og rétt að lesa fregnir af því með þeim formerkjum. Ef aðeins lið í Reykjavík gátu unnið og Fram var eina Reykjavíkurliðið segir þetta sig sjálft. Öll önnur Reykjavíkurlið hefðu unnið fram. Framarar hafa ekkert getað síðan '95 eða þar um bil, svipað og í fótboltanum. En gott að þeir fengu þetta, e.t.v. hjálpar "titillinn" eitthvað upp á sjálfstraustið.

Fram varð Reykjavíkurmeistari karla