Skömm að þessu hr. Fr.

Þetta er ekki fyndið, þetta er frétt af alvarlegra taginu. Ólán þessara Kennedy-a ætlar engan endi að taka og þú ert svellkaldur Stefán að gera grín að þessu. Jafnvel þótt myndirnar af honum í spasma-floginu séu broslegar þá skyldi aldrei gleyma alvarleika málsins.

Kennedy með heilaæxli

Ekki þarf að leita lengi að Magnúsi

þar sem flestir viðstaddir þekktu þarna kraftajötuninn dýrvitlausan og lét hann reiði sína bitna á tveimur bílum og byggingarstillans áður en hann settist aftur inn í bíl sinn og stillti á Bylgjuna. Síðar sást hann elta gæs á tjarnarbakkanum.

Ráðist á bíl á Lækjartorgi

Sárabætur fyrir Garð Gunnlaugsson

Þetta ætti að gefa Völsurum innspýtinguna sem þarf til að taka Fjölnismenn í ******** á sunnudaginn. Það verður gaman að sjá. Kannski þeir geti nýtt peninginn til að kaupa þarna Playboy-konuna heim og Garðar myndi þá fylgja og koma ferskur í sóknina.

100 milljónir í bætur

Obama er samt með svona hring

Mér finnst skrýtið að enginn setji út á það að teiknari sýni brjóstin á Hillary sem allir vita þó að hefur aðeins annað þeirra.

Myndasaga Sigmunds gagnrýnd

Flugfreyjur selja sig ódýrt

Að sögn Guðjóns Arngrímssonar eru flugfreyjur í raun að lækka í launum og kjaraskerðing þeirra er í raun umtalsverð. Spurningin er af hverju þetta stafar, samdráttur í ferðaþjónustu eða virðingarleysi gagnvart starfsstéttinni. Skyldi þarna hafa áhrif að karlmenn séu farnir að sækja í starfið til að gera lítið úr kynsystrum sínum eða til að búa til einhverja skrípaímynd af sjálfum sér? Flugfreyjur ættu að mótmæla því að karlar geti tekið upp starfsheitið "freyja".

Samið við flugfreyjur

Dyraverðir og öryggisverðir

það er bara ein ástæða fyrir því að fyrrverandi lögreglumenn verða dyraverðir og öryggisverðir

Öryggismiðstöðin og EA Security sameinast

Sturla Jónsson

Vörubílstjórar ættu að taka upp þessa taktík. Ég veit að ég væri til í að sjá Ágúst Fylkisson nakinn á vörubílspalli Braga Gústafssonar fyrir framan Alþingishúsið. Allir vörubílstjórar ættu að aka naktir um Miklubrautina þann 17. júní í mótmælaskyni við illa meðferð á þeirra kynstofni yfirleitt. Svo gætu þeir gengið að heimili samgönguráðherra fylktu liði, þennan dag yrðu þeir þó að þrífa sig.

Hjólreiðamaður í steininn

Danir fá 12 stig frá mér

Fyrst þetta verður lendingin verða menn að heiðra Dani og gefa þeim 12 stig frá Íslandi. Lag þeirra er mjög sterk, grípandi og fallega útfært. Trine Espelund átti reyndar hugmyndina að viðlaginu og það er dálítið kunnuglegt eins og hún lýsti yfir, ekki það að hugmynd hennar sé að lagið sé stolið. En ég græt ef þetta íslenska fíaskó fær stig yfir höfuð.

Vonar að Danir veiti okkur 12 stig

Regína tæki Friðrik

Ef eitthvað væri myndefni á fimmtudag væri það að sjá Regínu taka Friðrik og setja hann í gólfið. Láta þau takast aðeins á. Kannski dálítið óvanalegt en myndi slá allt út af laginu. Svo væri gaman að sjá hvort þeirra er betra. Held að stelpan hafi klæðst glímubelti á 10. áratugnum en Friðrik bara slender-tone-trimformbelti. En rosalega syngur hún vel. Menn á Magacin Club Belgrad táruðust og fengu gæsahúð þegar hún kom inn í öðru erindi.

Framlag Íslands kynnt á næturklúbbi

Jesper Juul gerir upp æsku sína

Vildi að foreldrar mínir hefðu vitað þetta. Þá hefði ég kannski fengið tækifæri til að láta mér leiðast. Aldrei leiddist mér í skóla, kannski er skólinn þá gagnlegastur þeim sem leiðist hann. Auðvitað ætti að taka öllu með fyrirvara sem Jesper Juul birtir. Hann er yfirleitt allur á yfirborðinu. Svoleiðis menn verða svo fljótt þreytandi. Getur verið að hér sé um þýðingarvillu að ræða? Ég held að fátt sé börnum hollara en einmitt að leiðast. Bróðir minn leiðir mig oft þegar við förum saman og við leiddumst nánast alltaf í æsku. Þegar ég leiði brósa finn ég fyrir öryggi. Best gæti ég trúað að þetta hefði jákvæð áhrif á vinnustöðum. Mannauðsstjórnun. Sigrún sem vinnur mikið með mér laumar sér alltaf út byrja að leiðast. Þetta hefur eitthvað að gera með nánd. Samt vil ég ekki leiða yfirmann minn. Finnst hann svona týpan sem þvær sér ekki mikið um hendurnar.

Börnum hollt að leiðast