Margir veikir á Akranesi líka

Ég átti leið um Akranes á írskum dögum þar í bæ fyrir skemmstu. Nú er ég alveg laus við fordóma og slíkt en mér varð bylt við er ég sá hvað Skagamenn eru illa staddir þegar kemur að aðbúnaði drykkjumanna og öryrkja. Þarna gengu menn (og konur) um götur í þannig ástandi að ég hætti mér ekki út úr bílnum og ég heyrði frá Ólöfu frænku minni sem hefur búið þarna í 11 ár að það sé jafnvel enn verra ástandið inni á mörgum heimilum sem hún veit um. Margir eru alls ófærir um að sjá um sig sjálfir og þetta bitnar náttúrulega mest á börnunum. Ég er alls ekki að tala illa um írska daga, mér sýndist þetta allt vera gert af góðum hug og eflaust margt til að skemmta sér við í bænum en ég lét duga þennan litla rúnt um bæinn og innlit hjá frænku. Þakka fyrir það Ólöf mín.

Veikasta fólkið í borginni

Voru börnin um borð

Þetta mál gæti reynst alvarlegra en virðist í fljótu bragði. Margs er að gæta þegar sumarhúsi er stolið. Eitt af því er að gá til manna og dýra um borð. Gaman er að minnast þess þegar Sighvatur Óli nágranni minn tapaði sínu fellihýsi árið 2002. Þá orti hann þetta:
Fellihýsið farið er,
fokk hvað þetta beit.
Kata litla og Kristófer,
komin upp í sveit.

Sjaldgæfur stuldur: Sumarhús á hjólum horfið

Ekki Sigur Rós heldur Guns 'n Roses

Lagið Sæglópur verður notað í Prince of Percia en flytjendur eru sem vitað er og ljóst af fréttum hér að framan Guns 'n Roses. Sigur Rós hefur hins vegar flutt efni sem notað var í DVD-útgáfu myndarinnar Heima. Mildi er að ekki fór verr með þennan litla misskilning.

Lag Sigur Rósar í tölvuleik

Reginfirra

Hvað ætla menn sér nú með þessu? Hafa ekki nógu mörg mannslíf tapast við þessa stíflu? Geta menn ekki bara skoðað einhverja aðra stíflu? Til dæmis Sigöldu?

Umferð hleypt á Kárahnjúkastíflu

Slash víst í hljómsveitinni

Það er leitun að annarri eins sorpfréttamennsku og þeirri sem hér birtist.
1) Slash er í Guns, það vita allir og hann var bara í pásu.
2) Bucket-head er látinn, því hefur platan látið á sér standa.
3) Plantan heitir Chineese Democracy og kemur út í september.
4) GNR spila aldrei á Íslandi, hélt menn hefðu þetta á hreinu.

Hvert einasta sinn!

Alltaf tapar Valur öllum leikjum. Mikið fer þetta í taugarnar á mér, leggst jafnvel á sálina. Það er eins gott að hr.W. tali nú yfir hausamótunum á sínum mönnum og taki í rassgatið á þeim. KOMA SVO STRÁKAR!

Valsmenn töpuðu, 2:0, í Hvíta-Rússlandi

Þegar ég sat fund sameinuðu þjóðanna

Sá ég Omar al-Bashir,
ekki leist mér á hann.
Gaf honum feikna-blóðnasir
og beit af tillan smáan.

Ákærur birtar

Ekkert að óttast

Sjaldan hefur sjóherinn,
Svalbarðsmanninn litið.
En Rússinn ætti að líta inn
og off'ann fyrir vikið.

Rússar aftur á ferðinni

Pósti verður einnig dreift á svæðinu

Lágmark að taka fram hverjir verða helst að störfum þarna. Á maður von á úr að ofan?

Malbikað á Kringlumýrarbraut

"Þriðja leiðin" fær að sögn þingmanns

Þegar stjórn okkar litla fyrirtækis leitaði á náðir þingmanns okkar, Guðna Ágústssonar, varð fyrir svörum aðstoðarmaður þingmannsins Agnar Bragi Bragason. Að sögn Agnars er helst rætt innan flokksins að fara svokallaða þriðju leið í þessu sambandi, þ.e. að fastsetja gengi krónunnar miðað við þá dönsku en þá spyr ég lesendur; hvert erum við þá komin?

Myntsamstarfsleið ekki fær