Nú er lag, Húsdýragarðsmenn!

Fyrst minkurinn er farinn úr Húsdýragarðinum ættu menn nú ekki að hugsa sig lengi um og sæta lagi, þetta tæki kostar varla meira en 2000-2300 evrur að flytja inn og ég veit að sá sænski vill ólmur losna við tækið sem fyrst. Það hefur aldrei gerst að svona tæki bili tvisvar!

Rainbow-leiktækið rifið

Ég rukkaði 2 rútur þar í júní

Ég hef haft nokkrar tekjur af aðgangi að kerinu í sumar, síðustu vikuna í júní hafði ég gert samning við kunningja hjá Hópferðum sem greiddi fast gjald á bílinn, þetta gat ég leyft þar sem ég var á einkabíl og hafði því óskert umboð til að sýna kerið svo lengi sem ég var á staðnum. Er þetta nokkuð eðlilegt? Af hverju er ekki selt inn á Þingvelli? Eða í Heiðmörk? Hver ákveður hvað er einhvers virði að sjá? Er það Geir? Það væri líklega eðlilegast, hann er smekkmaður.

Sögðust ekki rukka fyrir Kerið

Ekki séns!

Það er útilokað að við seljum Xabi til Arsenal í sumar; haustið gæti haft áhrif á þetta í sumar hefur hann ekkert þangað að gera. Leikstíll hans finnst mér ekki hæfa Arsenal svo hann yrði vafalaust meira á bekknum en í vetur og það er ég ekki að sjá fara að gerast.

Arsenal skoðar Alonso

Allir út að kaupa BENSÍN!

Nú er lag að fara og fyll'ann rækilega. Ég fór á N1-stöðina á Ártúnshöfða og fyllti bílinn og tók á brúsa líka. Svona brúsar eru nokkuð dýrir fannst mér (15 lítra kassi á 3600 rúmar) en það er ljóst að skynsamlegt er að hamstra þegar svona dagar koma, þeir eru sko ekki margir. Loksins lækkar verðið :)

Skeljungur og Olís lækka verðið

Hvað með Snæfellsnesið?

Ég sem íbúi á Hellissandi verð ég að segja að refurinn virðist kæra sig kollóttan þótt ferðamenn skottist um svæðið. Hins vegar heyri ég það norðan úr Húnavatnssýslum að refir sjáist helst ekki nálægt tjaldstæðum og Foss-Hótelum. Þá virðist refurinn ekki hændur að erlendu vinnuafli og gefur sig ekki að lituðu fólki. Hverju um er að kenna eru getgátur einar en ég hef á tilfinningunni að næmt þefskyn refsins hafi þarna eitthvað að segja.

Áhrif ferðamanna á refi rannsökuð

Óþverri er þetta!

Ég tek stórt upp í mig í dag þar sem ég hef smakkað svona birkiís í Danmörku og annan eins óþverra hef ég ekki vitað. Mér bókstaflega sárnaði þar sem ég hafði keypt handa systur minni og börnum hennar líka. Og þetta á að bjóða upp á hér á landi. Þetta gæti sem snöggvast gert ferðaþjónustunni meiri skaða en hrefnuveiðar og Saving Iceland til samans. Og svo verður auðvitað að hafa áfengi um hönd. Er ekki nóg af því fyrir, mér er spurn?!

Heilnæm sætindi

Kóala"björn"?? Gæt að

Nú veit ég ekki hvað hefðin er rík í svona skrifum en ég hélt að það væri kennt í grunnskóla að kóala"björninn" er í raun ekki af tegund eða ætt bjarna og á því ekki að kallast björn með réttu. Þetta skemmtilega fyrirbæri er af ættkvísl pokadýra og því í raun skyldara kengúrunni Skippy en nokkrum birni. Skyldi þessi kútur hafa verið svo heppinn þegar allt kemur til alls? Líklegra þykir mér að honum hafi blöskrað gáleysi bílstjórans og einsett sér að hefna með öllum mögulegum leiðum. Þetta er því hálf-óhugnaleg frétt. Sögu þessara tveggja grunar mig að sé ekki með öllu lokið. Þessi kóali mun ekki hætta fyrr en í fulla hnefana.

Heppinn kóalabjörn

Rangt með farið

Þetta er bara ekki rétt. Brasilíumaðurinn knái Ronaldinho er á leið til Manchester City og hefur æfingar þar í byrjun næsta mánaðar skv. fréttastofu Reuters og mun að líkum spila með þeim frá upphafi leiktíðar. Spurningin er hins vegar sú hvort vinur hans og fyrrum liðsfélagi Eiður "Smári" Guðjohnsen muni spila þar með honum? Gaman verður að fylgjast með þessu. 

Ronaldinho til AC Milan

Huggy Ragnarsson?

Skyldi þetta ekki hafa verið frk. Huggy Ragnarsson á vappi? Eðlur eru ekki hluti af náttúru Íslands. Huggy hins vegar er eitthvað undarleg til munnsins. Hvar var Árni Sigfússon þegar þetta gerðist? Hver svarar fyrir þetta? Ættum við ekki að sýna óskabörnum landsins virðingu fremur en að gera svona ómaklegt grín? Mér sárnar þetta.

Eðla á ferð í Keflavík

Of drukkinn til að keyra

Það er kúnst að aka undir áhrifum áfengis. Ég hef sjaldan þurft að blása í mæli sem betur fer en það hefur komið fyrir að ég hef reynst allsendis ófær um að keyra sökum ofdrykkju. Þá höfum við sem betur fer haft klink meðferðis til að taka strætó og einu sinni fórum við á puttanum fjölskyldan vestur á Seltjarnarnes.

Of drukkinn til að blása í mæli