Niðurlæging

Svona skilti trufla mig alltaf dálítið þegar þau verða á vegi mínum. Það er niðurlægjandi fyrir konur í verkastétt að þurfa að starfa á karllægum vinnustöðum, hlusta á karllægar sögur og verða að lúta lögmálum karlmanna í einu og öllu. Oft er flautað á þær þar sem þær eru við vinnu sína og þessi skilti bæta gráu ofan á svart. Mér fyndist eðlilegt að fyrir hvert eitt karl-skilti kæmi eitt kven-skilti, hvort sem kona væri að störfum við skiltið sjálft eða ekki. Hér er við Vegagerðina, Samgöngu- og Iðnaðarráðherra auk fjölda verktaka að sakast. Karlmenn ættu að sjá sóma sinn í að ræða ekki áhugamál sín eingöngu á svona vinnustöðum og gera konum kleift að starfa SEM KONUM á hverjum vinnustað.

Menn að störfum en líka konur

Athugasemdir

[Ragnheiður Anna Þórsdóttir, 23.7.2008 kl. 10:24]

Sé alveg fyrir mér skiltið: VARÚÐ! konur að störfum... hormónar... HJÁLP!

Mamma hefur alltaf sagt að konur eru líka menn þannig að þetta truflar mig ekki, finst samt toppurinn þegar karlar fara að flæða inn í kvennastéttir til að mynda hjúkrun, þá var starfsheitinu "hjúkrunarkona" breytt í "hjúkrunarfræðingur" samt alltaf hjúkka fyrir mig Kanski að "ljósmóðir" verði "fæðingartæknifræðingur" eða "fæðingartæknir" ef einhver strákur myndi gerast svo djarfur að mennta sig á þessu sviði. 

Man samt alltaf strákinn sem bar stoltur titilinn: Smörrebrödsdama

[Guðjón Ó., 23.7.2008 kl. 11:04]

já og mannstu þegar kennslukona var breytt í kennari. Samt eru konur núna í miklum meirihluta í kennarastétt. Núna er þróun í að breyta í öfuga átt að mínu mati t.d. lögreglan í lögreglukona eða leikari í leikkona og söngvari í söngkona.

[Ragnheiður Anna Þórsdóttir, 23.7.2008 kl. 11:26]

Svo má ekki gleyma því að æði mörg eru karlkynsorðin í íslensku sem notuð eru um bæði kyn.

t.d 

ég er stolltur íslendingur þótt kona sé en orð karlkyns

[Rúna Vala, 23.7.2008 kl. 12:20]

Ég veit ekki með þetta með áhugamálin. Þetta er karllæg atvinnugrein og fleiri karlar en konur vina þar. Væri hægt að banna konum að tala um barneignir, túrverki, skálastærðir og skó á kvenlægum vinnustöðum eins og leikskólum?

[Jón Grétar (IP-tala skráð) 23.7.2008 kl. 15:40]

Seinnast þegar ég viss þá voru konur líka menn, kannski hefur það breyst. T.d. í lögum  er alltaf talað um menn og ekki gert munnur á kynum. Menn og maður er nefnilega samheiti yfir alla menn jafnt sem karla, konur eða börn. Þótt orðið sé karlkyns í málfræðilegum skilningi þá á það jafnt yfir bæði kynin.

[Anna Lilja, 23.7.2008 kl. 21:08]

Síðast þegar ég vissi þá var orðið "men" einungis notað yfir karlmenn en ekki kvenmenn líka eins og tíðkast í íslenskunni okkar.

[Rúna Vala, 24.7.2008 kl. 15:56]

Það er ekki hægt að líkja "menn" í íslensku við "men" í ensku. "Menn" er notað eins og "humen" í ensku. "Human kind"/"mannkyn"