Skömm að þessu

Það er eitt að fagna strákunum eftir góðan árangur, það er annað að lýsa yfir þjóðhátíð (og dálítið óviðeigandi - þeir gerðu upp á bak í lokaleiknum); það er óvirðing að kasta fálkaorðum hingað og þangað til hvers sem er en það er gjörsamlega ófyrirgefanlegt að veita stórriddarakross fyrir aðkomu að íþróttum. Hvað á þetta að fyrirstilla? Hvað stendur stórriddarakrossinn fyrir? Nú vona ég bara að Ólafur Stefánsson taki "fálkann" fyrir hr. Ólaf Ragnar.

Fálkaorðan bætist í orðusafnið

United ekki sannfærandi

Djöflarnir frá Manchester ætla ekki að byrja tímabilið með reisn og það er fátt í leik þeirra sem minnir á titlana frá í vor. Liverpoolmenn er mun meira sannfærandi og mig grunar Manchester muni þurfa að berjast um 3-4 sætið í vor. Ná jafnvel ekki Evrópusæti. Það er spurning hverju er um að kenna en ég veðja á Ferguson, það hefur lengi verið talað um hans tíma og nú held ég að þetta sé orðið gott þótt mér þyki það leitt.

Fletcher tryggði United sigur á Fratton Park

Gróf mismunun

Hér finnst mér gróflega vegið að gestgjöfunum, Kínverjum, sem áttu skilið að fá þessa tign miðað við framlag þeirra til leikanna, bæði umgjörðina og í keppni. Þessi keppandi er ekki mjög fallegur, mér finnst Björgvin Gústavson og Ólafur Stefánsson fallegri og jafnvel Þórey Edda. Ég hvet fjölmiðla til að koma með "okkar" val og vekja á því athygli.

Fallegasti ólympíukeppandinn valinn

Barnavernd í málið

Mér er spurn hví barnaverndarnefnd er ekki sett í málið þegar foreldrar sækja börn sín undir áhrifum fíkniefna, hvort sem þeir eru akandi eður ei. Það ætti að svipta svona fólk forræði þegar forgangsröðunin er öll úr skorðum. Það hefur heyrst að þessi móðir hafi áður komið í undarlegu ástandi inn í stofnuna.

Hald lagt á sportbílinn

Sviptingar í landsliðinu

Er það bara ég eða ættu 2 menn að hætta að sjást í þessum landsliðsbúningi? Ég kann svo illa við að nefna nöfn til að særa þá ekki en þið vitið hverja ég á við. Það kemur maður í manns stað og það hefur sýnt sig líka.

Öruggur sigur Dana - Ísland í þriðja sæti

Lofa skal mey að morgni

Það er glæfralegt að fullyrða of mikið um rólegtheit og giftu á "kántrýdögum" úti á Skaga. Skagstrendingar eru betur þekktir fyrir eitthvað annað og ég er lítill spámaður ef lögreglan á Blönduósi á ekki eftir að hafa í nógu að snúast. Í gamla daga man ég sérstaklega eftir undarlegu samfélagi á Skagaströnd og þar voru skemmtanahöld ákaflega róstursöm og blóðug. Konur áttu það til að haga sér öðruvísi en aðrar konur svo ég tali undir rós og andrúmsloftið var og er enn þrungið alveg einstakri spennu sem þó hvessir andann og hvetur mann til að sleppa sér. Þau fáu skipti sem ég hef heimsótt Skagaströnd undanfarið hafa einmitt verið þessu marki brennd. Þaðan hef ég snúið með slæma samvisku, "móral" og einhvern óræðan kvíða. Á Skagaströnd hef ég í mitt eina sinn átt kynlífsreynslu sem nagar mig, þ.e. svall sem ég man ekki nema köflótt en þó þannig að ég er viss um að frændi minn og unnusta (sem þá var mjólkandi - fyrirgefðu Sjöfn) komu að. Næst þegar ég heimsæki Skagaströnd hef ég þó ekki áfengi um hönd og mun varla staldra lengi við.

Kántrýdagar fara fram á Skagaströnd

Vandræði í einkalífinu

Það er gaman að sjá gamla félaga á skjánum. Við hjónin þekkjum Wilbek og frú af allt öðrum vettvangi en íþróttanna en höfum átt góðar stundir saman gegnum tíðina, farið út að borða á Stokkseyri meira að segja en aðallega í Danmörku. Ég hef haft nokkrar áhyggjur af Ulrik í vetur og held að hann sé leiður eða undir óeðlilegu álagi, hann leggur meira að segja leikskipulagið að miklu leyti í hendur markvarðarins Hvidt. Heimili þeirra hjóna er yndisleg vin að heimsækja og danskara og er fyrir mér eins danskt og það gerist. Nú hef ég lítið heyrt í Ölmu konu hans í sumar og varla síðan í fyrrasumar og hef illan grun um vandræði í einkalífinu. Því þótt mér átakanlegt að fylgjast með honum í dag þegar allt vann honum í óhag og hann gat enga björg sér veitt. Ég óska honum allra heilla.

Wilbek æfur í leikslok

Orka til einskis

Það vekur furðu að sjá íslensku leikmennina sóa orku sinni og krafti til einskis frá upphafi leiks. Menn steyta hnefa og spenna sig upp í öskrum og gargani í hvert sinn sem eitthvað gengur upp, ef vörnin tekur einn bolta eða liðið fær aukakast. Þá stökkva menn upp, arga og hlaupa milli manna til að slá hver í annan og láta eins og bestíur. Hvað ætli þetta kosti þá á orkureikningi þegar líður á seinni hálfleik, hvað þá þegar fer að koma að leikjum sem fara í framlengingu. Ég hef mestar áhyggur af Guðjóni "Travolta" Sigurðssyni og Sigfúsi "þrífæti" bróður hans hvað þetta varðar. Ég held hins vegar að reynsla Ólafs komi honum þarna til góða. Svo þykir mér leitt að sjá svo lítið af þessum nýju sætu, Björgvini og Sturlu. Ég kemst öll til þegar sláttur er á þeim. Logi er svosem myndarlegur líka en sem leikmaður er hann of líkur Patreki Jóhannessyni og af þeim manni hef ég vandræðalega persónulega reynslu svo það er eitthvað sem stuggar við mér þar.

Bölvaðir bómullarsokkar

Það er ekki einleikið hvernig þetta lið ætlar að verða sér til skammar í dag gegn Dönum. Nú fáum við að líta leik upp á gamla mátann, alltaf möguleikar til að komast inn í leikinn en skrefið aldrei stigið. Þessi vörn verður ekki til af sjálfu sér og baslið í sókninni segir allt sem segja þarf. Danir þurfa ekkert að hafa fyrir þessu. Ég skil ekki hví Kúbumaðurinn knái er ekki með, og hvar er Garcia? Það vantar þessa menn með stóru tólin, það er helst Sigfús sem skartar einhverju til að tala um. Aðrir eru bara með halann á milli lappanna. Vonandi þurfum við ekki að horfa upp á þennan hroðbjóð mikið oftar.

Jafntefli gegn Danmörku

Flýr Gísli sökkvandi skip?

Er tilviljun að þessi fjargviðrisfundur sé þann sama dag og Gísli "Marteinn" tilkynnir brotthvarf sitt úr stjórnmálum nema að nafninu til? Er hann að flýja vegna bresta í samstarfinu eða orðróms um nýjan meirihluta? Langar hann ekki að standa í ámátlega hópnum að baki borgarstjóra þegar tilkynningar eru gefnar og reyna að halda andlitinu? Nei kannski er hann bara á leið í meðferð, ég er trúi ekki að það sé Kvíabryggja.

Fundur í Ráðhúsi sagður búinn