Þessi tvö f-orð hafa aldrei fyrr komið saman í setningu

Frumkvæði og Framsókn; já allt taldi ég mig hafa heyrt. En einu sinni er allt fyrst, ég geri þó ráð fyrir því að "þreifingar" séu ekki hafnar og muni ekki hefjast, ég veit ekki betur en flestir séu frekar ánægðir með störf borgarstjóra Ólafs F. og einhverjir jafnvel sáttir við miðborgarstjóra. Hins vegar eru fjölmiðlar vísir til að ýfa eitthvert fár í kringum fundinn sem haldinn var í dag. Það væri víst það síðasta sem Framsókn þarf á að halda að gera sig enn hlægilega á sviði borgarmála, hafa allir gleymt Binga nú þegar?

Frumkvæði frá Framsókn?

Hvatt til lauslætis

Það er von að svona lágkúra veki athygli, þetta er e.t.v. sú landkynning sem landsmenn vilja helst - getum við verið stolt af þessu? Ég er fyrst til að fagna ástinni og öllu því sem hún gefur best af sér en svona opinber kynlífsvika sem stofnað er til af bæjarstjórn til að sleppa öllum hömlum og láta undan eigin fýsnum er eitthvað annað. Ég veit að þau börn sem koma undir í svona svalli eru þvi marki brennd alla tíð. Skyldi vera gaman hjá þeim börnum sem öll eiga afmæli í sömu vikunni að átta sig á því þegar þroskinn kemur að þessir samliggjandi afmælisdagar eru eftir allt engin tilviljun? Það hlýtur að grafa undan þeirri tilfinningu að hver og einn sé sérstakur. Hvaða hjónaband eða ástarsamband þolir það að "allt sé opið" eina viku á ári? Ég veit það að makaskipti og kynlífsleikir geta rifið hjónabönd og lagst á sálir, skilið eftir seingróin sár. Þá er ónefnt það sem getur átt sér stað þegar áfengi er haft um hönd. Ég vona að Bolvíkingar sjái að sér, fari varlega í ástarleikina, haldi þeim fyrir sjálfa sig og INNAN HJÓNABANDS og hugi að því hvers lags landkynning sé vænlegust.

Gátu þær ekki verið austrænar?

Það er hræðilegt að vesturlandabúar verði undir í óöldinni í Austurlöndum. Eða svo má lesa út úr þessari frétt. Af hverju er fyrirsögnin ekki "Bílstjóri og annar Afgani skotnir til bana"? Nei ég segi svona, þeir sem fara til starfa á ófriðarsvæðum geta átt von á svona óhöppum hvenær sem er.

Þrjár vestrænar konur skotnar til bana í Afganistan

Er Cruise að færa sig á leiksviðið?

Konungur hasarmyndanna hefur ekki látið mikið fara fyrir sér undanfarið, varla síðan í myndinni Vanilla Sky sem meira að segja var endurgerð betri myndar. Skýringarnar eru væntanlega þær að hann hefur verið að hasla sér völl á öðrum vettvangi samfélagsmála og staðið í "hreiðurgerð". Skyldu menn (og konur) ekki lengur hafa áhuga á Tom Cruise? Mér finnst undarleg kúvending að veðja á þessa stelpu sem lítið hefur sannað með leik sínum og líklegast þætti mér að Cruise sé að stefna á Brodway eða því um líkt, jafnvel til starfa á alþjóðlegum vettvangi. Hann hefur tekið þátt í uppfærslum í London oftar en einu sinni og því er viðbúið að sá vettvangur heilli hann meira en hinn útþynnti Hollywood kvikmyndabransi.

Jolie í stað Cruise

Eftirsjá af góðum dreng

Fyrstu fregnir af þessu brotthvarfi Gísla vöktu fögnuð hér á heimilinu en þá fór ég að leggja málið niður fyrir mig og komst að því að fátt má að Gísla finna. Hann hefur starfað af heilindum að því er ég fæ best séð, tillögur hans um öldrunarmál og menningarmál voru góðar og eru að skila sér, afraksturinn mun hann þó varla koma til með að sjá - eins og segir: Fáir njóta eldanna sem fyrstir kveikja þá. Ég mun sakna Gísla og vona að nýtt líf uppfylli væntingar hans og þrár, honum leið greinilega ekki eins vel og glaðlegt yfirbragðið gaf til kynna. Það er gott að mennta sig, ég veit ekki alveg hvað þetta "urban politics" er og það er best að Gísli kynni þetta fyrir okkur á síðunni sinni þegar þar að kemur. En ljóst er að við missum hér einn okkar fremsta mann í borgarmálunum, mann sem hefði getað náð alla leið, framtíðin brosti við honum en svona getur farið þegar minnst varir.

Gísli Marteinn hættir í borgarráði

Stattu á þínu, Garðar

Ég veit það að maðurinn minn yrði ekki sáttur ef ég yrði "leikfélagi" og ég efast um að Garðar verði það frekar. Þó er það Ásdísar að ákveða þetta, myndir í Playboy gætu orðið henni og hennar starfsemi gríðarleg kynning og til framdráttar sem slíkt. Ég hugsa að ég myndi jafnvel kaupa blaðið hennar vegna. Ásdís hefur gríðarlega fallegan líkama og því skyldi hún ekki leyfa honum að njóta sín til fullnustu? Nektarmyndir þurfa ekki að vera druslulegar heldur geta verið smekklegar og gildir þá reglan að "minna er meira" eins og sagt er á ensku. Hins vegar hlakka ég mest til að fylgjast með þættinum ástralska eins og ég veit að svo margir gera. Gangi þér allt í haginn Ásdís.

Ekki í Playboy strax

Blússandi berjalönd

Ég hef varið undanförnum dögum í berjalöndum okkar hér fyrir norðan. Það hefur ekki verið önnur eins spretta í amk. 8 ár, allavega í krækiberjum. Ég hef tjaldað venjulega þrjár nætur á hverjum stað og náð allt að 2 lítrum á klukkutímann. Það er hægt að segja að hvergi líði mér betur en í berjamó enda friðsældin með eindæmum og veiðieðlið fær að njóta sín. Eina sem varpar skugga á friðsældina er þegar bílar flauta á mig en yfirleitt held ég mig fjarri alfaraleiðum. Berjatínslan hefur margvísleg áhrif á mig og tilhugsunin um sulturnar sem ég gef ættingjum og vinum er æsandi. Í ár hef ég hugleitt að reyna berjavínið sem ég hef oft ætlað mér að brugga en það er mikil vinna og nokkuð flókið ferli. Kynhvötin tekur hressilega við sér í berjalöndum þar sem enginn sér til manns og hægt er að haga sér eins og manni þykir þægilegast. Að koma við sig undir berum himni um hábjartan dag er engu líkt og hef ég kynnst líkama mínum nokkuð náið undanfarna daga. Þó verður að hafa hugann við efnið og berin tína sig ekki sjálf. Nú ætla ég að hvíla þessa viku þar sem fingurnir eru aumir og fjölskyldan kallar sömuleiðis. Svo er bara að sjá hverju af aflanum má koma í verð.

Skiptir víst sáralitlu máli.

Það er leitt að segja það en mér sýnist miðað við þann hóp sem manni sýnist að verði stillt upp á morgun eigi FH ekki nokkra möguleika í lið Aston Villa. Til þess er liðið ekki nógu öruggt, vörnin er tæp og ekki er líklegt að Heimir leggi upp með djarfan sóknarbolta. Það er jafngott að menn fjölmenni á völlinn; hins vegar ættu þeir að búa sig undir að sjá B-lið Aston Villa (sem er þó ekkert B-lið) blóðflengja FH-inga. Sem fyrrum Skagamanni og núverandi Blika bý ég mig undir hina bestu skemmtun.

Sidwell ekki með gegn FH-ingum

Frábært framtak - lítið á, Ingibjörg og Geir

Þetta er með skemmtilegri nýjungum á sviði tölvutækni sem komið hefur upp undanfarið. Hér fer stjórnmálamaður sem hefur vökult auga og tekur af skarið. Ég hef reynt dálítið að finna þetta en ekki orðið ágengt en lesið mikið um framtakið og sýnist þetta smella eins og sagt er. Ef ég ætti að veðja myndi ég skjóta á að Ágúst Ólafur Ágústsson yrði fyrstur þingmanna með svona, eða þá Björn Bjarnason. Hins vegar ættu það fyrst að vera Geir og Ingibjörg sem tækju þetta upp á sína arma, fólk sem gefur ekki alltaf kost á sér í viðtöl, og ætti þá almenningur greiðari leið að þeim, bæði á sviði stjórnmála og eins í einkalífinu. Að gefa almenningi innsýn í daglegt líf með þessum hætti er kjörin leið til aukinna vinsælda og því verður gaman að fylgjast með kapphlaupinu um vefsjónvarpið.

Gordon Brown með eigið vefsjónvarp

Tvírætt - fullstrangur dómur

Zeitz átti ekki skilið að fara af velli fyrir þetta brot, við sáum Sverre Jakobsen taka svipaða sveiflu í síðari hálfleik og það fór alveg fram hjá dómurum leiksins. Þetta orkar mjög tvímælis, ásetningur brotsins er ekki gefinn þótt Snorri hafi orðið illa fyrir barðinu á því. Þetta hafði auk þess svo afgerandi áhrif á gang leiksins að í raun má gera ráð fyrir því að Þjóðverjar kæri þennan úrskurð fljótlega.

Zeitz fékk rauða spjaldið fyrir óþverrabrot