Kallaði hann apamann

Það er eitt að varpa ábyrgð þess að Bandaríkin séu niðurlægð á Obama sem er helsta von þeirra eins og stendur en annað og alvarlegra að kalla hann apamann (http://nymag.com/daily/intel/2008/06/the_makers_of_a_racist_obama_t.html) sem er greinileg tilvísun til kynþáttar hans og rakið kynþáttahatur. Obama er fullfær í slaginn gegn McCain og uppruni hans, sem hann getur ekkert að gert, hefur síst þar nokkuð um að segja. Í Audacity of Hope kemur skýrt fram að leið Obama í málefnum Austurlanda er skynsamleg og rökrétt og væri gaman að sjá McCain svara stefnu hans á málefnalegri hátt en þetta.

McCain hæðist að Obama

Ekki það síðasta

Það var sorglegt að fylgjast með þessum leik á netinu, bæði vegna þess að útsendingin var ómöguleg en einnig og sérlega vegna þess hvernig unnið var úr því sem átti að vera gefinn sigur. Ég er óskaplega hrædd um (því ég á frænku í liðinu) að ósigrarnir verði fleiri og liðið verði sér jafnvel til skammar í Makedóníu. Mér sárnaði að sjá leikið á 7-8 leikmönnum nánast allan fyrri hálfleikinn og skiptingar voru varla til að ræða í þeim seinni. Því miður munum við sjá fleiri fréttir líkar þessari.

Fyrsta tapið í Makedóníu

Mátulegt á þá

Það er eins gott að fréttin fjallar ekki um Íslendinga og að hrefnur beri ekki eitur í börnin okkar. Færeyingar geta sjálfum sér um kennt fyrir þessa villu sem þeir gera; það má vera öllum ljóst að grindhvalur er meiri alhliða hrææta en hrefnan og ætti ekki nokkur maður að láta sér kjötið til munns. Nú eru Færeyingar athlægi fyrir þetta og má segja að það sé þeim mátulegt. Hins vegar bera hvalirnir sjálfir nokkra sök. Þessir grindhvalir pirra mig og ég er fegin að við Íslendingar veljum hrefnuna frekar.

Eiturefni berast úr hvölum í Færeyinga

Ekki möguleiki

Það á ekki að espa upp vitleysuna í fólki sem telur sig sjá geimverur eða boðar tilvist þeirra, alltaf með sínum sérkennum og útskýringum. Slíkt tal er oftast vottur að því að fólk hafi misst eða sé að missa vitið og gjarnan eru þetta sjúklingar. Geimverur eru ekki til og mun aldrei verða til, því til sönnunar má benda á það að þær eru ekki á meðal vor og aðstæður í geimnum eru ekki lífvænlegar. Þá er ég bæði að tala um dýr og plöntur. Það er dæmigert að það þyki fréttnæmt að geimfari tjái sig svona óábyrgt um þessi mál og í raun dæmalaust að virtir fréttamiðlar yfirleitt geri sér mat úr því.

„Það eru til geimverur"

Óstöðvandi

Það verður gaman að sjá Blika fara alla leið í þetta sinn, búnir að koma þó nokkuð á óvart í sumar og á þvílíkri siglingu þessa dagana að ljóst virðist að þeir fari alla leið í úrslitin. Kr-ingar eru ekki sannfærandi og Fylkismenn því síður og ég spái Fjölnismönnum í úrslit sem Blikar taka. Verst er að mjög langt er í leikinn og því viðbúið að flugið hafi tekið að lækka og því geti þeir ekki næstum eins mikið og nú þess dagana. Þó getað þeir huggað sig við að verða aldrei eins slakir og Skagamenn.

Ólafur H. Kristjánsson: Í augnablikinu erum við illstöðvanlegir

Hver trúir á dverga nú til dags?

Íslenskar þjóðsögur og ævintýri segja gjarnan frá ævintýrum dverga og álfa og fleiri undravera og þessar sögur þekkja flestir. Hins vegar eru dvergar og álfar að mestu horfnir úr þjóðtrú okkar Íslendinga og flestra vestrænna þjóða. Þessi frétt er skondin og eflaust skrifuð til gamans eða til að vekja athygli á slæmum kjörum öryrkja en þá ætti að umgangast - og fjalla um af virðingu.

Reyndu að innrita dverg í ferðatösku

Hverjum er ekki sama?

Í fyrsta lagi hefur verið vitað alla tíð að þessir símar eru óæskilegir, hvar við líkamann sem þeir eru geymir. Þar við bætist að enginn hefur látið það á sig fá. Annað er það að UPC er ekki sérlega virt rannsóknarstofnun miðað við það sem lesa má um hana á netinu (www.upmccancercenters.com/) og að síðustu er maðurinn að vísa í óbirtar upplýsingar úr rannsóknum sem ekki er greint frá og þar með ekki gefið hvað var rannsakað.

Varað við mikilli farsímanotkun

Að bíta hausinn af skömminni

Nú segi ég það og skrifa, ég er hætt að styðja Skagamenn. Eitt er að losa sig við Guðjón, fremsta þjálfara landsins en að taka úr sér gengnar varaskeifur til að "bjarga málum" er alveg síðasta sort. Það verður langt að bíða þess að sjá Skagamenn sigra leik og hvet ég áhorfendur og stuðningsmenn til að sniðganga leiki félagsins þar til birtir til að nýju.

Tveir reynsluboltar taka fram skóna með ÍA

Líklega bara snjóskafl

Það er ekkert að marka þessar konur sem segjast sjá eitt og annað á ferðum sínum um heiminn. Líður þessum leitarmönnum aldrei eins og verið sé að hafa þá að fíflum, hvort þeir heldur leita bjarndýra eða strípalinga. Það er ekki fallega gert að gera grín að lögreglu og björgunarsveitum og ættu þessar konur bara að hafa sínar fantasíur fyrir sjálfar sig. Skömm að þessu.

Maðurinn enn ófundinn

Dónaskapur í Spalar-boxinu

Það er gaman að heyra að fólk taki höndum saman og láti þessa glæpamenn í boxinu heyra það. Ég hef fengið mig fullsadda af þeim dónaskap og virðingarleysi sem mér hefur verið sýnt í gegnum tíðina þegar ég fer um göngin, þ.e. þar til ég fékk mér áskrift. Síðan þá hef ég oftar en ekki grýtt eggi eða flautað þegar ég á leið hjá og þarf ekki að stoppa. Ég hef verið kölluð nöfnum í þessu boxi sem ég vil ekki hafa eftir hér, barnanna minna vegna en hvet þess þá heldur alla til að standa uppi í hárinu á þessum Spalarmönnum og láta þá heyra það.

Dólgslæti og dónaskapur