Fordómar og virðingarleysi

Hefði þessi farandlistamaður verið handtekinn ef hann hefði verið Keflvíkingur, Akurnesingur eða Fellabúi? Stungið í kaldan og óþægilegan klefa á Ísafirði "í geymslu" meðan unnið væri í hans málum. Varla. Ég sé ekki að listmálarar hafi þurft sérstakt leyfi til að selja verk sín hingað til, ekki hef ég slíkt leyfi en hef þó selt föndur. Skyldi ég þá verða handtekin fyrir þessa færslu? Þetta sýnir í hnotskurn virðingarleysi þjóðarinnar gagnvart útlendingum og þeim sem minna mega sín, fordóma yfirvalda og e.t.v. hræðslu við hið óþekkta. Ekki var þessi "útlendingur" að selja eiturlyf en það fá menn að gera óáreittir mánuðum og jafnvel árum saman. Það er sömm að þessu!

Farandsali handtekinn á Ísafirði

Víst selur það meira

Ég held að þessi sænska rannsókn sé takmörkuð við einhverjar afar afmarkaðar aðstæður eða brenglað mat þeirra sem flokka fallega og ljóta. Ég til dæmis fer alltaf á þann kassann þar sem sá fallegasti/a hverju sinni situr, nánast óháð röðinni. Ég segi óaðlaðandi starfsfólki að ég þurfi enga aðstoð, ég sé bara að skoða eða fer út ef það leitar á mig. Hins vegar þarf fallegt starfsfólk lítið annað en að brosa örlítið og þá er ég vís til að kaupa vörur eða þjónustu sem ég hefði aldrei íhugað eða ætlað mér. Þetta er bara svona og þarf engar rannsóknir til að segja mér annað!

Fallegt afgreiðslufólk selur ekki meira

Ætti frekar að syngja gegn fátækt

Þessi fjölfætla er mér til mikils ama, hér út um eldhúsglugga dóttur minnar við Skólavörðustíginn. Hún gerir ekkert annað en að þvælast fram og tilbaka, rausandi og þusandi einhverjar útlensku. Henni væri hollara að syngja gegn fátækt og vekja athygli á aðstæðum hinna fjölmörgu útlendinga sem berjast í sárri neyð og skorti á götum borgarinnar. Mér skilst af frétt þessari að hér sé kominn afrakstur 10 ungmenna auk tveggja yfirmanna í hálfan annan mánuð og fyrr má nú vera. Ég veit að dóttir mín hefur gaman af fjölfætlunni og kærastanum hennar líka en ég læt hana fara í taugarnar á mér og er gáttuð á þessu framtaki Ólafs F. Magnússonar.

„Íslensk fjölfætla með fálmara“ í miðborginni

Allt gert í tölvu

Þetta er allt gert í tölvu eins og sjá má ef þessi mynd er stækkuð upp og upplausnin aukin. Það eru ekki nema 1:1.000.000 líkindi til þess að tvíeggja tvíburar verði annað hvort með sinn hvorn hörundslitinn eða þá skjóttir sem kallað er þegar svartir og hvítir rugla saman reitum. Þetta segja læknavísindin. En auðvitað væri þetta óskastaðan. Nú þyrftu ættingjar ekki að velkjast í vafa um hvort þeir séu með Udo eða Bamboo í höndunum þegar þeir kæmu í heimsókn. En ekki er hægt að gefa sér að lesendur séu alveg blautir á bak við eyrun.

Mislitir tvíburar

Við samgleðjumst öll

Auðvitað er skottan kát þegar hún er nú loksins farin að fá að ríða almennilega eftir að hafa þurft að horfa upp á ólifnaðinn á fyrrum elskhuga sínum. Spurningin er sú hversu lengi Pitt endist með þessari Jolie sem lítur út fyrir að fá reglulega á kjaftinn. Ég held að hann hafi verið mun hamingjusamari í raun og veru með henni Jennifer, hún er miklu elskulegri kona og viðkunnalegri; þetta lítur slétt og fellt út á yfirborðinu en hann veit sjálfur að hann er ekki á réttri braut.

Samgleðst Pitt

Nú er komið að því gott fólk

Ég er sannfærð um að Íslenska liðið mun sýna og sanna það á ÓL að Kristján Ara var engin goðsaga heldur það sem koma skal. Íslenska liðið getur greinilega unnið hvaða lið í heiminum sem er og þetta vita landsmenn. Meðan þessi útlenski fær ekki að spila of mikið og Birkir Ívar heldur markinu ekki allan leikinn er þetta í höfn. Ég mun aldrei skrifa fleiri greinar um handknattleik í Víkurfréttir ef við endum ekki í topp 3.

Snorri Steinn: Stöndum framar en ég reiknaði með

Nú er lag fyrir AronPálma-nefndina

Fyrst var það Keikó, þá Aron Pálmi og nú er kominn kostur sem stofnunin má heita fullsæmd af. Þessi humar gæti laðað að þúsundir ferðamanna árlega og gætu þeir tekist á um það hvort rétt væri að éta þetta afgamla kjöt eða senda hann í Þingvallavatn. Humarhátíð á Höfn myndi stækka verulega og þetta þarf ekki að kosta svo mikið. Það er nær að veðja á þetta en þennan geimfara sem rætt hefur verið um.

Frelsið humarinn!

Hvenær læra erlendir ferðamenn að keyra?

Ég er búin að fá mig fullsadda af hörmungarfregnum af ökulagi erlendra ferðamanna hér á landi. Ég er með í maganum í hvert sinn sem ég fer út af þjóðvegi 1 og hef dregið nokkuð úr ferðum mínum um landið af þessum sökum. Hver er ábyrgð bílaleiga í þessu sambandi? Það get ég sagt ykkur: Hún er engin! Hvað útlenskutalandi apaköttur sem er getur leigt jeppa og skundað út á veginn án þess að framvísa svo mikið sem geðheilbrigðisvottorði. Nú tel ég tímabært að Kristján L. Möller segi af sér og Sturla taki málin aftur föstum tökum!

Erlendir ferðamenn veltu bíl á Bláfellshálsi

Keflvíkingar heimsmeistarar innan skamms?

Það er fráleitt að ætla það að Suðurnesjamenn geti hampað titli í knattspyrnu. Til þess var körfuboltinn gerður að sérgrein þeirra. Þessi sigur á Val sannar ekki neitt í þessu sambandi, til þess voru Valsmenn of óheppnir. Ómar var eins og fálki í markinu og stuðningsmenn unnu ekki allir sem einn, það var enginn 12. maður að Hlíðarenda í dag. Auk þess var hinn umdeildi dómari leiksins úti á þekju og því ekki að sökum að spyrja. Keflvíkingar enda í 3.-5. sæti í haust og þessi uppsveifla þeirra er senn á enda. Sannið þið til, þann 28. júlí kveður við nýjan tón.

Keflavík og Valur skildu jöfn, 1:1

Æðislegt sjónvarpsefni

Ég hlakka mjög til að horfa á samantekt þessarar helgar í sjónvarpinu. Það kemur mér til að horfa á hina skapmiklu amerísku karlmenn píska áfram stríðalda íslenska hlunka. En það sem er merkilegast við Hell Weekend er hin gríðarlega samstaða og hópeflið sem þetta skilar. Menn og konur vinna sem ein heild og allir styðja hver annan út í hið óendanlega og í lok helgarinnar er það þetta sem stendur upp úr: Eintómt væl um það hve hópurinn hafi staðið sig vel "sem hópur" og þótt fólkið hafi engan sjálfsaga til að koma sér í form sé markmiðinu helst náð með hópandanum.

Án svefns í 36 stundir í æfingaskyni