Fær Iðunn að spila?

Það verður gaman að fylgjast með þessum leik á netinu;  fyrir einhverja guðsmildi fengum við sæti og nú er að sæta lagi. Sérstaklega óska ég þess að Iðunn Elva frænka mín nái að setja mark sitt á leikinn. En nú vil ég benda stúlkunum á það að hér er alvaran sjálf; þetta er á öðrum kalíber en þessir leikir sem þær hafa spilað hingað til og aðallega þurfa þær að læra að þetta ber að taka af meiri alvöru, festu og ákveðni en annars. Ungverjar eru með lélegt lið en það þýðir ekki að taka megi sigrinum sem gefnum. Þið vitið stelpur að íslenska þjóðin stendur að baki ykkur!

Mæta Ungverjum í dag

Afar dapurlegt en þó enn von?

Það er ekki útilokað að leitað verði til Guðjóns áfram um faglegar ákvarðanir hjá liðinu; tvíburarnir eru góðvinir Guðjóns og þetta fyrirkomulag gefur færi á samstarfi við Guðjón, svo lengi sem hann tekur ekki við stjórn annars liðs í deildinni. Mig grunar samt að Guðjón leiti heldur til einhvers stórliðanna á Englandi eða á Ítalíu. Helst hefði ég viljað sjá hann halda áfram með Skagamenn og held í voninna um að þetta fari allt vel að lokum, hann snúi aftur til starfa þar og þessi ósköp hafi bara verið ákveðin í hita leiksins eða í stundarbrjálæði. Ég vona það og bið þess. Það er eitthvað við þessa tvíbura, ég treysti þeim einhvern veginn ekki.

Guðjón hættur með ÍA

Aumingjar!

Ég skil ekki að þessi boðsundshópur geti kallað sig menn eftir svona smámn; mynda sig bera að ofan og hafa eflaust eytt ófáum klukkustundum fyrir framan spegilinn en hvað hafa þeir gert? Ekkert! Benedikt Hjartarson gerir þeim öllum skömm til: Hann synti þetta einn í einum rykk en þeir "treysta sér ekki" til að leggja í hann 10 saman. Hver þeirra er því ekki 1/10 þess manns sem Benedikt hefur að geyma. Þó er Benedikt fjörgamall maður. Hversu miklir aumingjar mega þessir "menn" þá kallast? Ég öfunda ekki konur þeirra eða aðstandendur sem þurfa nú að taka á móti þeim með halann á milli lappanna.

Synda ekki boðsund yfir Ermarsund

Vonbrigði

Ég verð að segja eins og er að ég er talsvert vonsvikin yfir þessum fegnum en ég er bjartsýn og leita því alltaf að ljósum punktum. Það er gott að hlýjast verði norðanlands eins og verið hefur í sumar. Þá getur maður e.t.v. átt von á innliti vina og ættingja en þeir hafa látið bíða eftir sér þrátt fyrir kostaboð. Súld er hins vegar eitthvað sem ég á bágt með að sætta mig við, rigning er rigning en súld tónar svo illa við geðslagið mitt. Það er þó gott að ekki stendur hún lengi yfir. Vindurinn hvessir hins vegar viljann svo ég horfi fram á veginn þrátt fyrir þetta hundsbit.

Talsverð rigning síðdegis

Hvað með Guðjón?

Nú er Guðjón Þórðar búinn að segja upp störfum en þá er mér spurn: Hvað gerði hann sem réttlætir þá ólund að fá tvíburaskottin til að taka við þessu? Ég veit ekki betur en að Guðjón sé besti þjálfari landsins, hann er sá sem hefur náð hvað lengst á alþjóðlegum vettvangi og því líklegasta von Skagamanna til að rétta úr kútnum eftir að dómarar deildarinnar tróðu þá fótum. Þessir tvíburar eru alltaf meiddir og eru misvel liðnir meðal leikmanna liðsins. Ég skora á stjórn ÍA að endurskoða hug sinn í þessum leiða máli og taki upp samningaviðræður við Guðjón hið snarasta!

Taka Arnar og Bjarki við þjálfun Skagamanna?

Hræðilegt

Enn einu sinni urðu Skagamenn sér til skammar. Og nú rækilega. Hversu lengi eiga dómarar Landsbankadeildarinnar að sitja svo fast á Skagamönnum að þeir eiga sér engrar viðreisnar von? Þetta er hreint og klárt einelti. Ég hef staðið með Skagamönnum í gegnum árin en nú er það ekkert skemmtilegt lengur. Þetta er afar ósanngjarnt. Nú verð ég að velja mér nýtt lið. Ég hafði spáð Skagamönnum einu af þremur efstu sætunum en nú eru litilar líkur á að það rætist. Ég er einnig búin að eyða heilmiklu fé í að tippa á leikina þeirra. Ég er sár vegna þessa og finnst á mér brotið sem unnanda góðrar knattspyrnu.

Blikar kafsigldu Skagamenn

Hvað varð um þessa grein?

Lengi var hægt að fylgjast með íslensku torfærunni í mótorsportþáttum og jafnvel víðar en nú er ekki einu sinni opinber heimasíða þar sem fylgjast má með þessu. Ég fylgdist með torfærunni í gær við toppaðstæður á Blönduósi í frábæru veðri en man engan veginn hvað gerðist? Klofnaði sambandið eða hvað var það?

Óvænt úrslit í torfærunni

Best að spreyja þá!

Það er gott til þess að vita að mönnum er umhugað um mávinn, hinn tilkomumikla fugl sem setur sinn svip á hafnarlífið og miðborg Reykjavíkur. Þegar ég var í vegavinnunni var talið heillamerki að úða málningu á mávinn hvar sem náðist í hann, appelsínugulri eða rauðri eða ljósgrænni eftir því sem kostur var til. Þá sáu hinir mávarnir nefnilega um að ganga frá þeim litaða. Þá mátti hafa sig allan við til að bjarga því sem bjargað varð en það var yfirleitt til einskis. Þá hefði nú verið betra að hafa breska slökkviliðsmenn til aðstoðar. Þá hefði ekki farið eins illa og raun varð.

Hetjuleg mávabjörgun

Sýndarmennska

Obama hlýtur að fá mikinn aulahroll með alla þá umfjöllun sem þessi heimsókn hans vekur. Það var ljóst að hana má rekja til þess að Bandaríkjamenn kváðust í könnunum treysta McCain betur en Obama til að sinna málefnum af þessu tagi. Það er líka öllum ljóst sem fjalla um fréttirnar að Obama vildi hvergi heldur vera en heima hjá sér enda er honum skítsama um Afganistan, Írak og Kóreu; hann ætlar sér heldur að beina sjónum inn á við og lái honum það enginn. En gaman að sjá hve fjölmiðlar virðast ætla að gleypa við þessu.

Obama hittir Karzai

Gott á sunnlendinga - þeir vita ekki betur

Það er gott að besta veðrið er alltaf hér fyrir norðan. Sérstaklega er gaman að fá svona fregnir af veðri þegar viðbúið er að ættingjar og vinir streyma að sunnan til að njóta veðurblíðunnar hér og í dag á ég með kaffinu og fagna hverju innliti. Hins vegar ætla ég að sleikja sólina framan af degi og sætti mig ekki við minnstu truflun. Það er hins vegar gleðilegt að sunnlendingar fá rigningu og NÓG af henni, það er svo gott fyrir kartölfunar. Skelfing sem ég er orðin leið á þessum stóru, útlendu kartöflum. Þær eru svo undarlegar á bragðið. En komið norður og njótið sólar og veitinga hjá mér.

Þykknar upp vestantil í dag